Cwynodd Miss X nad oedd y Gymdeithas wedi gwneud gwaith atgyweirio brys yn ei chartref, ac nad oedd wedi ymateb yn ddigonol i’w chwyn.
Roedd yr Ombwdsmon yn bryderus am yr oedi wrth wneud y gwaith atgyweirio angenrheidiol, yr oedi o ran rhoi gwybod i Miss X am statws yr atgyweiriadau a’i bod wedi cael ei hanhwyluso gan weithredoedd y Gymdeithas. Penderfynodd setlo’r gŵyn heb ymchwiliad.
Ceisiodd a sicrhaodd yr Ombwdsmon gytundeb y Gymdeithas i:
• Ymddiheuro i Miss X am yr oedi cyn mynd i’r afael â’r materion a godwyd yn ei chwyn
• Rhoi ymateb pellach i gŵyn Miss X, gan amlinellu’r camau a gynigir i fynd ymhellach i’r afael â materion sylweddol ei chwyn, a fyddai’n cynnwys unrhyw gamau gweithredu sydd eisoes wedi cael sylw.
Cytunodd y Gymdeithas i gyflawni’r camau gweithredu o fewn pythefnos.