Cwynodd Mr X fod y Cyngor wedi gwaredu ei fainc mewn camgymeriad pan oedd cymydog wedi trefnu i’w wresogydd gael ei gasglu. Cwynodd Mr X er iddo gyflwyno cwyn ffurfiol i’r Cyngor, na chafodd ymddiheuriad a bod gweithredoedd y Cyngor wedi achosi anghyfleustra iddo.
Roedd yr Ombwdsmon yn bryderus bod hyn wedi achosi anghyfleustra i Mr X ac felly fe wnaeth gysylltu â’r Cyngor. Yn hytrach na chynnal ymchwiliad, cytunodd y Cyngor i gyflwyno llythyr o ymddiheuriad i Mr X, a chynnig iddo hefyd iawndal o £120 erbyn 17 Mehefin 2022. Derbyniodd yr Ombwdsmon fod hyn yn bodloni cwyn Mr X.