Cwynodd Mr T am y ffordd y deliodd Cyngor Castell-nedd Port Talbot â’i gŵyn am ddirgryniadau ar y ffordd.
Penderfynodd yr Ombwdsmon nad oedd y Cyngor wedi darparu diweddariadau rheolaidd ac ystyrlon ac nad oedd wedi cyhoeddi ymateb i gŵyn Cam 2. Dywedodd fod hyn wedi achosi rhwystredigaeth ac ansicrwydd i Mr T. Penderfynodd setlo’r gŵyn heb ymchwiliad.
Ceisiodd a chafodd yr Ombwdsmon gytundeb y Cyngor i ymddiheuro ac esbonio i Mr T am yr oedi, cynnig iawndal o £125 iddo a chyhoeddi ymateb i’w gŵyn o fewn 4 wythnos.