Cwynodd Mr X fod Cyngor Caerdydd wedi methu sawl casgliad gwastraff cyffredinol.
Penderfynodd yr Ombwdsmon y dylai’r Cyngor gymryd y camau canlynol i setlo cwyn Mr X:
O fewn 3 wythnos i’r penderfyniad:
• Cynnig ymddiheuriad ysgrifenedig i Mr X am yr anghyfleustra a achoswyd o ganlyniad i fethu’r casgliadau.
• Rhoi sicrwydd ysgrifenedig i Mr X y bydd y mater yn cael ei gofnodi gyda Rheolwr y Tîm Casgliadau i sicrhau y gwneir pob ymdrech i gasglu’r gwastraff yn y dyfodol.
• Gwneud trefniadau i Reolwr y Tîm Casgliadau adolygu’r mater hwn yn rheolaidd i sicrhau cydymffurfiaeth â’i bolisi casglu.
Roedd yr Ombwdsmon o’r farn bod hyn yn ddatrysiad priodol i’r gŵyn.