Cwynodd Mrs H nad oedd y Cyngor wedi mynd i’r afael â’i phryderon na ddeliwyd â’i ymchwiliad i’w chŵyn gynllunio mewn modd diduedd a thryloyw.
Roedd yr Ombwdsmon wedi gofyn yn flaenorol i’r Cyngor gynnal ymchwiliad i’r ffordd yr oedd wedi ymdrin â chŵyn cynllunio Mrs H. Wedi hynny, cynigiodd y Cyngor daliad o £100 i Mrs H i gydnabod ei ddull gwael o ymdrin â’i chŵyn (yr oedd yr Ombwdsmon yn ei ystyried yn rhesymol), ond roedd wedi methu â chydnabod na myfyrio ar ganfyddiad Mrs H o fias a rhagfarn yn y ffordd yr ymchwiliwyd i’r gŵyn gynllunio.
Felly, cysylltodd yr Ombwdsmon â’r Cyngor a chytunodd i gwblhau’r camau gweithredu canlynol erbyn 9 Medi 2022 i setlo cwyn Mrs H:
- Ysgrifennu at Mrs H i gydnabod y bias/rhagfarn canfyddedig ac ymddiheuro am fethu â chydnabod hyn yn gynt.
- Ailadrodd y cynnig o £100 a wnaed yn flaenorol i gydnabod ei ymdriniaeth wael â’r gŵyn.
- Cysylltu â’r Awdurdod Safonau Cwynion i drefnu sesiwn hyfforddi ar fias/rhagfarn canfyddedig ar gyfer Tîm Cwynion y Cyngor