Cwynodd Mrs L, er iddi leisio pryderon am ofal ei mam wrth Fwrdd Iechyd Prifysgol Aneurin Bevan, nad oedd y Bwrdd wedi ei diweddaru na rhoi ymateb iddi.
Roedd yr Ombwdsmon yn bryderus bod Mrs L heb dderbyn ymateb, ac wedi cysylltu â’r Bwrdd Iechyd. Casglodd yr Ombwdsmon fod y Bwrdd Iechyd wedi methu â chydymffurfio â’i weithdrefn gwyno statudol a bod hyn wedi achosi rhwystredigaeth i Mrs L.
Yn lle ymchwilio, gofynnodd a derbyniodd yr Ombwdsmon gytundeb y Bwrdd Iechyd i ymddiheuro wrth Mrs L am yr oedi, a’i diweddaru ar yr achos o fewn 30 diwrnod gwaith. Cytunodd hefyd i roi ymateb ffurfiol i Mrs L o fewn pedwar mis.