Materion rhestr glaf : Bwrdd Iechyd Prifysgol Aneurin Bevan

Cwynodd Mrs B, ar ran ei brawd Mr A, ynglŷn â’r oedi afresymol gan Fwrdd Iechyd Prifysgol Aneurin Bevan (“y Bwrdd Iechyd”) cyn trin Mr A am ganser y colon a’r rhefr. Dywedodd Mrs B bod y Bwrdd Iechyd wedi methu hysbysu Mr A bod ei lawdriniaeth a gynlluniwyd wedi’i chanslo ac ni wnaethant ail-drefnu’r llawdriniaeth nes iddynt gael eu hysgogi i wneud hynny drwy alwadau ffôn a chwyn gan y teulu. Dywedodd Mrs B bod y Bwrdd Iechyd hefyd wedi methu cynnal llawdriniaeth Mr A o fewn amserlen briodol, gan achosi i’r clefyd ddatblygu a chanlyniad llai sicr.

Canfu’r Ombwdsmon bod y Bwrdd Iechyd wedi methu trefnu llawdriniaeth a’u bod ond wedi gwneud hynny 5 wythnos ar ôl anogaeth gan Mr A. Arweiniodd hyn at oedi y gellid bod wedi’i osgoi ac nid oedd hyn yn cyflawni’r canllawiau Llwybr Cenedlaethol ar gyfer canser y colon a’r rhefr. Fe achosodd hyn drafferth a gofid sylweddol i Mr A. Daeth yr Ombwdsmon i’r casgliad nad oedd y gofal a dderbyniodd Mr A, yn nhermau ail-drefnu ei lawdriniaeth, wedi cyflawni safon briodol a chadarnhaodd yr agweddau hynny o’r gŵyn. Ni chadarnhaodd yr Ombwdsmon y gŵyn bod yr oedi wedi achosi prognosis llai sicr gan fod tystiolaeth o hyn yn aneglur.

Argymhellodd yr Ombwdsmon y dylai’r Bwrdd Iechyd ymddiheuro i Mr A ac i Mrs B am y methiannau a nodwyd wrth drefnu’r llawdriniaeth a’r oedi a achoswyd. Argymhellodd hefyd y dylai’r Bwrdd Iechyd gwblhau archwiliad o broses a rheolaethau presennol trefnu llawdriniaethau’r colon a’r rhefr.
Os na chanfyddir ei bod yn gadarn, dylid rhoi cynllun ar waith i gau unrhyw fylchau a nodwyd. Cytunodd y Bwrdd Iechyd i roi’r argymhellion hyn ar waith.