Cwynodd Mr S er iddo fynegi pryderon wrth Gyngor Abertawe ynglŷn â gwneud ei eiddo’n wrthsain a gwrthdan, nad oedd y Cyngor wedi cyflawni’r gwaith a addawyd o fewn yr amserlen a nodwyd.
Penderfynodd yr Ombwdsmon fod y Cyngor wedi rhoi amserlen i Mr S na allai gadw ati ac nad oedd wedi’i ddiweddaru o gwbl. Dywedodd fod hyn wedi arwain at fethiant yn y cyfathrebu rhyngddynt a rhwystredigaeth i Mr S.
Yn hytrach nag ymchwilio, gofynnodd a chafodd yr Ombwdsmon gytundeb y Cyngor i ymddiheuro i Mr S ac i roi diweddariad llawn iddo ar yr amserlenni arfaethedig, o fewn 30 diwrnod gwaith.